கோவை: கோவை மாவட்டம் அன்னூர் மற்றும் காரமடை காவல் நிலைய எல்லைக்குட்பட்ட பகுதிகளில் தொடர்ந்து திருட்டு மற்றும் செயின் பறிப்பு சம்பவங்கள் நடைபெற்று வந்தன.
இந்நிலையில் கோவை எஸ்.பி.திரு.செல்வநாகரத்தினம் உத்தரவின்படி காரமடை காவல் ஆய்வாளர் திரு.செல்வராஜ் தலைமையில் உதவி ஆய்வாளர் திரு.செந்தில் குமார்,தலைமை காவலர்கள் திரு.மகேந்திரன், திரு.ஜெயபாலகிருஷ்ணன்,திரு.சரவணகுமார்,திரு.சுரேஷ்குமார் உள்ளிட்டோர் அடங்கிய தனிப்படை அமைக்கப்பட்டு குற்றவாளிகளை தீவிரமாக தேடி வந்தனர்.
இந்நிலையில் காரமடை மற்றும் அன்னூர் காவல் நிலைய எல்லைக்குட்பட்ட பகுதிகளில் தொடர் திருட்டு மற்றும் செயின்பறிப்பில் ஈடுபட்டு வந்த கிருஷ்ணராஜ் 37 மற்றும் ஷிகாபுதீன் 32 உள்ளிட்ட இருவரை தனிப்படையினர் கைது செய்து அவர்களிடமிருந்து 6 பவுன் தங்கச்சங்கிலியினையும் பறிமுதல் செய்தனர்.பின்னர்,அவர்களை நீதிமன்றத்தில் ஆஜர்படுத்தி சிறையிலடைத்தனர்.
