மதுரை : மதுரை மாநகர காவல் ஆணையர் திரு. பிரேம் ஆனந்த் சின்ஹா IPS, அவர்கள் உத்தரவின்படி, மதுரை மாநகருக்குள் காவல்துறையினர் தீவிர ரோந்து பணியிலும், குற்றங்களுக்கு எதிரான நடவடிக்கைகளில் விரைவாகவும் நடவடிக்கை எடுத்து வருகின்றனர். மதுரையில் அதிகரித்து அதிகரித்து வரும் கஞ்சா பழக்கத்தினால் காவல்துறையினர் தீவிர சோதனையில் ஈடுபட்டு வருகின்றனர்.
மதுரை அருகே கஞ்சா விற்பனையில் ஈடுபட்ட 5 இளைஞர்கள் கைது செய்யப்பட்டனர். தல்லாகுளத்தை அடுத்த பீ.பி.குளம் பகுதியில் கஞ்சா விற்பனை நடைபெறுவதாக தல்லாகுளம் காவல் ஆய்வாளர் திரு.மலைச்சாமி அவர்களுக்கு தகவல் கிடைத்தது. இதனை அடுத்து சோதனையில் ஈடுபட்ட காவல்துறையினர், விக்னேஷ்பாண்டி, பிரவீன்குமார், சத்யராஜ், சந்தோஷ் உள்ளிட்ட 5 இளைஞர்கள் கைது செய்யப்பட்டனர். அவர்களிடமிருந்து 4 கிலோ கஞ்சா பறிமுதல் செய்து தல்லாகுளம் போலீசார் விசாரணை செய்து வருகிறார்கள்.
காவல் ஆய்வாளராக திரு.மலைச்சாமி அவர்கள் தல்லாகுளம் காவல் நிலையத்திற்கு பொறுப்பேற்றதில் இருந்து, அவரின் விரைவான நடவடிக்கையால் அப்பகுதி மக்களின் நன்மதிப்பை பெற்று வருகின்றார்.
திரு.ஜஸ்டின் சரவணன்
