தூத்துக்குடி : தூத்துக்குடி மில்லர்புரம் ஹவுசிங்போர்டு பகுதியை சேர்ந்தவர் மாரியப்பன்(43). இவர் கடந்த (23.04.2023) அன்று அண்ணாநகர் சலவை காலனியில் நடந்த சப்பாணி முத்து என்பர் கொலை வழக்கில் கைது செய்யப்பட்டு சிறையில் இருந்து சமீபத்தில் ஜாமினில் வந்துள்ளார். இந்நிலையில் இன்று காலை இவரை மையவாடி பகுதியில் வைத்து ஒரு கும்பல் தலையை துண்டித்து கொலை செய்துள்ளது. பின்னர் துண்டித்த தலையை ஏற்கனவே சப்பானிமுத்து கொலை செய்யப்பட்டு கிடந்த சலவை கூடத்தில் உள்ள விநாயகர் கோயில் முன்பு போட்டுவிட்டு சென்றுள்ளனர். இது குறித்து தகவல் அறிந்து அங்கு சென்ற தூத்துக்குடி போலீசார் விசாரணை மேற்கொண்டு வருகின்றனர். ஏற்கனவே நடந்த கொலை சம்பவத்துக்கு பழிக்கு பழியாக இந்த கொலை நடந்திருப்பதாக கூறப்படுகிறது.
சிவகங்கையிலிருந்து நமது குடியுரிமை நிருபர்
A. ராபர்ட் கென்னடி
