சென்னை: புளியந்தோப்பைச் சேர்ந்த சுப்ரியா, பெ/32, என்பவர் 12.04.2021 அன்று புளியந்தோப்பு, குருசாமி நகர் 9 வது தெருவில் மர்ம நபர்களால் கத்தியால் தாக்கி கொலை செய்யப்பட்டார்.
இது தொடர்பாக P4 பேசின் பாலம் காவல் நிலையத்தில் வழக்குப் பதிவு செய்யப்பட்டு, P4 பேசின் பாலம் காவல் நிலைய ஆய்வாளர் தலைமையிலான காவல் குழுவினர் விசாரணை செய்து,
முன்விரோதம் காரணமாக சுப்ரியாவை கொலை செய்த அவரது கணவர் 1.ரூபன், வ/32, ரூபனின் சகோதரர் 2.ராம்கி ( எ ) ராம்குமார், வ/28, 16 வயது இளஞ்சிறார்கள் 2 நபர்கள் என 4 நபர்கள் 14.4.2021 அன்றும் , 5.தினகரன், (ரூபனின் சகோதரர்) வ/40, என்பவர் 16.04.2021 அன்றும், 6.கமலா, பெ/45, என்பவர் 06.5.2021 அன்றும் கைது செய்யப்பட்டு ,
நீதிமன்றக் காவலுக்கும் , இளஞ்சிறார்கள் அரசு கூர்நோக்கு இல்லத்திலும் சேர்க்கப்பட்டனர்.
இந்நிலையில் மேற்படி வழக்கில் தலைமறைவாக இருந்த குற்றவாளிகள் 7.சுதாகர், வ/39, திருவள்ளூர் மாவட்டம், 8.பிரேம் (எ) பிரேம்நாத், வ/31, புழல், 9.கோதண்டம் (எ) கோதண்டராமன், வ/44, புளியந்தோப்பு ஆகியோரை இன்று 23.05.2021 கைது செய்தனர். மேலும் அவர்கள் மீது நீதிமன்ற நடவடிக்கை மேற்கொள்ளப்பட்டது.
