திருவள்ளூர் : திருவள்ளூர் மாவட்டம் மீஞ்சூர் ஒன்றியத்தில் அடங்கிய கல்பாக்கம் ஊராட்சி நாகாத்தம்மன் கோவில் பகுதியில் தமிழக முதல்வரின் 71வது பிறந்தநாள் விழா மற்றும் இல்லந்தோறும் ஸ்டாலினின் குரல் துண்டு பிரச்சாரம் துவக்க நிகழ்ச்சி நடைபெற்றது. நிகழ்ச்சிக்கு மீஞ்சூர் கிழக்கு ஒன்றிய தி.மு.க செயலாளர் வல்லூர் எம். எஸ்.கே.ரமேஷ்ராஜ் தலைமை வகித்தார். மாவட்ட பிரதிநிதி பா.து. தமிழரசன், இளைஞர் அணி ஒன்றிய செயலாளர் தமிழரசன்,கிளைக் கழக செயலாளர்கள் ரமேஷ்,பாலகணபதி, ஏழுமலை, இளைஞர் அணி அமைப்பாளர்கள் கோபி, வைரமுத்து, உள்ளிட்டவர்கள் முன்னிலை வகித்தனர். நிகழ்ச்சியின் துவக்கமாக நாகாத்தம்மன் கோவில் பகுதி வாழ் மக்களுக்கு முதல்வரின் பிறந்த நாளை முன்னிட்டு அனைவருக்கும் ஒன்றிய செயலாளர் ரமேஷ்ராஜ் இனிப்புகள் வழங்கி, இரண்டரை ஆண்டு திராவிட மாடல் அரசின் சாதனைகளை விளக்கும் வகையில் அச்சிடப்பட்ட ஸ்டாலின் குரல் துண்டு பிரசுரங்களை வீடுகள் தோறும் சென்று பொதுமக்களிடம் வழங்கி தமிழக அரசின் திட்டங்களை எடுத்துக் கூறினார். இதில் தி.மு.க நிர்வாகிகள் சுப்ரமணி, ரவிக்குமார், நாகராஜ் ,
முனுசாமி,கோட்டீஷ்வரி, வினோத்குமார்,உள்ளிட்ட பலர் கலந்து கொண்டனர், நிகழ்ச்சியின் ஏற்பாட்டை கிளை கழக செயலாளர் சி.மோகன் செய்திருந்தார். அதனைத் தொடர்ந்து ஊராட்சியின் அனைத்து பகுதிகளிலும் கழகப் பொறுப்பாளர்கள் பணியை தொடர்ந்து செய்தனர்.
திருவள்ளூரில் இருந்து குடியுரிமை நிருபர்
திரு. பாபு
