தூத்துக்குடி: நாளை தூத்துக்குடி மாவட்டத்திற்கு வருகை தரும் மாண்புமிகு தமிழக முதல்வர் அவர்களின் வருகையை முன்னிட்டு இன்று தூத்துக்குடி மாவட்ட காவல்துறை அலுவலகத்தில் மாவட்ட காவல் கண்காணிப்பாளர் திரு. எஸ். ஜெயக்குமார் அவர்கள் முன்னிலையில் திருநெல்வேலி சரக காவல்துறை துணைத் தலைவர் திரு. பிரவின்குமார் அபிநபு இ.கா.ப அவர்கள் தலைமையில் இன்று ஆலோசனை கூட்டம் நடைபெற்றது.
தூத்துக்குடி மாவட்ட காவல் கண்காணிப்பாளர் திரு.எஸ்.ஜெயக்குமார் அவர்கள் தலைமையில் காவல்துறை கூடுதல் கண்காணிப்பாளர்கள், உதவி காவல் கண்காணிப்பாளர்கள் உட்பட காவல் துணை கண்காணிப்பாளர்கள், காவல் ஆய்வாளர்கள், உதவி ஆய்வாளர்கள் உள்ளிட்ட போலீசார் பாதுகாப்பு பணியில் ஈடுபடுத்தப்பட உள்ளனர்.
இக்கூட்டத்தில் திருச்செந்தூர் உதவி காவல் கண்காணிப்பாளர் திரு.ஹர்ஷ் சிங், தூத்துக்குடி ஊரக உதவி காவல் கண்காணிப்பாளர் திரு.சந்திஸ், தூத்துக்குடி நகர காவல் துணை கண்காணிப்பாளர் திரு.கணேஷ், விளாத்திகுளம் காவல் துணை கண்காணிப்பாளர் திரு.பிரகாஷ், ஸ்ரீவைகுண்டம் காவல் துணை கண்காணிப்பாளர் திரு.வெங்கடேசன், மணியாச்சி காவல் துணை கண்காணிப்பாளர் திரு.சங்கர், கோவில்பட்டி காவல் துணை கண்காணிப்பாளர் திரு.உதயசூரியன், தூத்துக்குடி நில அபகரிப்பு தடுப்பு சிறப்பு பிரிவு திரு.சம்பத், சமூக நீதி மற்றும் மனித உரிமைகள் பிரிவு காவல் துணை கண்காணிப்பாளர் திரு.ஜெயராஜ் உட்பட பல காவல் துணை கண்காணிப்பாளர்கள் மற்றும் காவல் ஆய்வாளர்கள் கலந்து கொண்டனர்.
