சென்னை: சென்னை மறைமலை நகர் அதிமுக பிரமுகர் வெடிகுண்டு வீசி கொலை போலீஸார் 6 தனிப்படை அமைத்து குற்றவாளிகளைத் தேடி வருகின்றனர். செங்கல்பட்டு அருகே மறைமலை நகரைச் சேர்ந்தவர் திருமாறன்(50). அதிமுக பிரமுகரான இவர், மறைமலை நகர், பெரும்புதூர் பகுதியில் உள்ள தொழில் நிறுவனங்களுக்கு வேலை ஆட்களை சப்ளை செய்யும் தொழிலில் ஈடுபட்டு வந்தார். நேற்று முன் தினம் மாலை வீட்டின் அருகே ஸ்ரீசெல்வமுத்து குமாரசுவாமி கோயிலில் சுவாமி தரிசனம் செய்துவிட்டு, பக்தர்களுக்கு அன்னதானம் வழங்கினார்.
அப்போது பக்தர்போல் வந்த சிலர் திடீரென திருமாறன் மீது வெடிகுண்டுகளை வீசினர் இதில், அவர் சம்பவ இடத்திலேயே உயிரிழந்தார். அப்போது பாதுகாவலர் எழிலரசன், அந்த கும்பலை நோக்கி 6 முறை துப்பாக்கியால் சுட்டார். இதில் திருவள்ளூர் மாவட்டம் ஆத்தூரைச் சேர்ந்த சுரேஷ் (19) மீது மூன்று குண்டு துளைக்கப்பட்டு சம்பவ இடத்திலேயே உயிரிழந்தார். மற்ற குற்றவாளிகளைத் போலீஸார் தேடி வருகின்றனர்
