விருதுநகர்: நேற்று இரவு 10 மணியிலிருந்தே போலீசார் தீவிர ரோந்து பணியில் ஈடுபட்டனர். இன்று காலை சிவகாசி நகரின் முக்கிய சாலைகளில் பேரிகார்டுகள் மூலம் தடுப்பு அமைக்கப்பட்டது.
சிவகாசி நகருக்குள் நுழையும் விருதுநகர் சாலை, சாத்தூர் சாலை, சங்கரன்கோவில் சாலை, திருவில்லிபுத்தூர் சாலைகளிலும் தடுப்புகள் அமைக்கப்பட்டு, ஒவ்வொரு பகுதியிலும் குறைந்தது 5 போலீசார் நிறுத்தப்பட்டு சோதனை நடவடிக்கைகளை தீவிரப்படுத்தியுள்ளனர்.
மேலும் நகர் பகுதிகள் மற்றும் புறநகர் பகுதிகளில் போலீசார் தீவிர ரோந்து பணியிலும் ஈடுபட்டு வருகின்றனர். தேவையில்லாமல் இருசக்கர வாகனங்களில் வந்தவர்களை எச்சரித்து, வீடுகளுக்குச் செல்லுமாறு அறிவுறுத்தி திருப்பி அனுப்பினர்.
