தூத்துக்குடி : தமிழ்நாடு காவல்துறையினருக்கான 2022 ஆண்டுக்கான மண்டல அளவில் ஜுடோ, வூசு, தேக்வாண்டா, ஜிம்னாஸ்டிக், கராத்தே போன்ற விளையாட்டு போட்டிகள் சென்னை ஆவடி 5வது பட்டாலியனில் கடந்த (17.08.2022), அன்று நடைபெற்றது. இப்போட்டியில் தமிழ்நாடு காவல்துறை சார்பாக தமிழ்நாடு முழுவதிலுமிருந்து காவல்துறை விளையாட்டு வீரர் மற்றும் வீராங்கனைகள் கலந்து கொண்டனர். இந்த விளையாட்டுப் போட்டியில் தூத்துக்குடி மாவட்ட காவல்துறை சார்பாக ஆயுதப்படை பெண் காவலர் செல்வி. கிருஷ்ணவேணி, என்பவர் கலந்து கொண்டு தேக்வாண்டா விளையாட்டு போட்டியில் பெண்களுக்கான 46 கிலோ எடை பிரிவில் முதலிடத்தை பெற்று தங்கப் பதக்கம் பெற்றுள்ளார்.
மேலும் வரும் (19.09.2022), அன்று புது டெல்லியில் நடைபெற இருக்கும் 7வது அனைத்து இந்திய காவல்துறை ஜூடோ க்ளஸ்டர் போட்டியில் தமிழ்நாடு காவல்துறை சார்பாக கலந்து கொள்ள தேர்வு பெற்றுள்ளார். மேற்படி வெற்றிபெற்ற ஆயுதப்படை பெண் காவலர் செல்வி. கிருஷ்ணவேணியை தூத்துக்குடி மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன், அவர்கள் பாராட்டி புது டெல்லியில் நடைபெற இருக்கும் போட்டிகளில் வெற்றி பெற வாழ்த்துக்கள் தெரிவித்தார். இந்நிகழ்வின்போது ஆயுதப்படை காவல் ஆய்வாளர் திரு. சுடலைமுத்து உடனிருந்தார்.
