தஞ்சை : தஞ்சை மாவட்டம், பகுதிகளில் வழக்கு நிலுவையில் உள்ள தேடப்பட்டு வரும் குற்றவாளிகளை இனம் கண்டு அவர்களை உடனடியாக கைது செய்ய தஞ்சை மாவட்ட காவல்துறை கண்காணிப்பாளர் திரு. ஆசிஷ்ராவத் ஐ.பி.எஸ் அவர்களின் உத்தரவின் பேரில் பாபநாசம் உட்கோட்ட காவல்துறை துணை கண்காணிப்பாளர் திருமதி. பூரணி அவர்கள், மேற்பார்வையில் தனிப்படை உதவி ஆய்வாளர் திரு. முத்துக்குமார், உதவி ஆய்வாளர் திரு. ராஜேஷ்குமார் மற்றும் தலைமை காவலர் திரு . பிரபு மற்றும் காவலர்கள் விஜயகுமார், பிரபாகர், சந்தோஷ், ஆகியோர் அடங்கிய தனிப்படை போலீசார் தீவிர கண்காணிப்பும் , வாகனச் சோதனைகளும் மேற்கொண்டு வந்தார்கள். இந்நிலையில் பாபநாசம் புதுத்தெருவைச் சேர்ந்த சவரிமுத்து மகன் பிரபல ரவுடியான தினேஷ் என்கின்ற மண்டை தினேஷ் (28). என்கின்ற நபர் மீது பல்வேறு கொலை, கொள்ளை , ஆட்கடத்தல் , கட்டப்பஞ்சாயத்து போன்ற பல வழக்குகள் பாபநாசம் ,கபிஸ்தலம், அம்மாபேட்டை ஆகிய பகுதிகளில் நிலுவையில் இருந்து வருகின்றது. கடந்த ஆறு மாதங்களாக ஒரு கொலை முயற்சி வழக்கில் போலீசாரால் தேடப்பட்டு வரும் குற்றவாளியான மண்டை தினேஷ் திருவிடை மருதூர் எல்லைப்பகுதியில் சுற்றித் திரிவதாக தனிப்படை போலீசாருக்கு வந்த ரகசிய தகவல் படி இன்று (17-8-2023) அப்பகுதிக்கு சென்ற போலீசார் கும்பகோணம் கரிக்குளம் பகுதியில் பதுங்கி இருந்த குற்றவாளி தினேஷ் சுற்றி வளைத்து கைது செய்து பாபநாசம் காவல் நிலையத்தில் ஒப்படைத்து , சிறையில் அடைத்தார்கள்.
போலீஸ் நியூஸ் பிளஸ் செய்தியாளர்
குடந்தை-ப-சரவணன்
