திருப்பத்தூர் : திருப்பத்தூர் ஜோலார்பேட்டை போலீஸ் இன்ஸ்பெக்டர் திருமதி.மங்கையற்கரசி, சப்- இன்ஸ்பெக்டர் திரு.காதர்கான், மற்றும் போலீசார் ஜோலார்பேட்டை பகுதியில் ரோந்து சென்றனர். அப்போது ஏலகிரி மலை அடிவாரம் பொன்னேரி டீக்கடை அருகே சந்தேகத்தின் பேரில் சுற்றி திரிந்தவரை போலீசார் மடக்கி பிடித்து விசாரணை செய்தனர். விசாரணையில் அவர் பெரிய பொன்னேரி பகுதியைச் சேர்ந்த முத்துக்குமார் (42),என்பதும், கேரளா மாநில லாட்டரி சீட்டுகள் விற்பனை செய்ததும் தெரியவந்தது. அதைத்தொடர்ந்து அவரை போலீசார் கைது செய்தனர். மேலும் அவரிடமிருந்து 360 லாட்டரி சீட்டுகள் மற்றும் மோட்டார் சைக்கிள், செல் போன், ரொக்க பணம் ஆகியவற்றை பறிமுதல் செய்தனர்.
