சைபர்கிரைம் குற்றங்கள் குறித்து ஊர்க்காவல்படை வீரர்களிடம் விழிப்புணர்வு

பெரம்பலூர்: பெரம்பலூர் மாவட்ட காவல் கண்காணிப்பாளர் திரு.ச.மணி அவர்களின் உத்தரவின்படி இன்று சைபர் கிரைம் கூடுதல் காவல் கண்காணிப்பாளர் திரு.சுப்ரமணி அவ்களின் மேற்பார்வையில் இன்று 07.12.2021-ம் தேதி பெரம்பலூர் மாவட்ட ஊர்காவல்படை அலுவலகத்தில் சைபர் கிரைம் காவல் ஆய்வாளர் திருமதி.கலா மற்றும் அவரது குழுவினர் இணைந்து ஊர்காவல்படையில் பணிபுரியும் ஆளிநர்களுக்கு இணையம் வழியாக நடக்கும் குற்றங்களான ஏடிஎம் கார்டை பயன்படுத்துவது பற்றியும், ஏ.டி.எம் கார்டு மற்றும் ஒடிபி எண் பகிரகூடாது என்பது பற்றியும்,

வங்கி விவரங்களை யாருக்கும் கூறக்கூடாது என்றும், வேலை வாங்கி தருவது, அயல்நாடு வேலைக்கு செல்வது, செல்போன் டவர் வைப்பது, பரிசு கிடைத்திருப்பது, சமூக வலைதளங்கள், தங்களை பற்றிய தகவல்களை பாதுகாப்பாக வைப்பது குறித்து,

பாஸ்வேர்டு அடிக்கடி மாற்ற வேண்டுவது குறித்தும், ஆன்லைன் விளையாட்டு குறித்தும், தேவையில்லாத அப்ளிகேசன் பதிவிறக்கம் செய்வது குறித்தும், ஆன்லைன் வர்த்தகம் குறித்தும், வங்கிகளில் பணம் செலுத்தும் எவ்வாறு செயல்படுவது என்பது குறித்தும்,

மேலும் இணையதளத்தில் குற்றவாளிகள் மூலம் பண இழப்பு ஏதேனும் ஏற்பட்டால் சைபர் கிரைம் உதவி எண் 155260 க்கு உடனடியாக தகவல் அளிப்பது குறித்தும், www.cybercrime.gov.in என்ற இணையதளத்தில் எவ்வாறு புகார் செய்வது என்பது குறித்தும் பொது மக்களிடம் விழிப்புணர்வு ஏற்படுத்தினார்கள்.