தூத்துக்குடி: தூத்துக்குடி அண்ணாநகர் மேற்கு பகுதியில் உள்ள தனியார் செல்போன் டவரில் இருந்து 4 பேட்டரிகள் கடந்த 09.01.2023 அன்று திருடு போயுள்ளது. இதுகுறித்து மேற்படி தனியார் செல்போன் டவரின் கண்காணிப்பாளரான தென்காசி மாவட்டம் ஆலங்குளம் பகுதியில் சேர்ந்த அனந்தப்பன் மகன் அருள்பாண்டி 31. என்பவர் அளித்த புகாரின் பேரில் சிப்காட் காவல் நிலைய போலீசார் தீவிர விசாரணை மேற்கொண்டதில் மேற்படி செல்போன் டவரில் பணியாளராக வேலை பார்க்கும் தென்காசி மாவட்டம் கடையநல்லூர் வாவா நகரை சேர்ந்த முருகானந்தம் மகன் அழகுதுரை 33. என்பவர் மேற்படி செல்போன் டவரில் உள்ள 4 பேட்டரிகளை திருடியது தெரியவந்தது.
இதனையடுத்து சிப்காட் காவல் நிலைய உதவி ஆய்வாளர் திரு. ராமகிருஷ்ணன் வழக்கு பதிவு செய்து குற்றவாளி அழகுதுரையை கைது செய்து, அவரிடமிருந்து திருடப்பட்ட ரூபாய் 1,20,000/– மதிப்புள்ள 4 செல்போன் டவர் பேட்டரிகளையும் பறிமுதல் செய்தார்.
