சென்னை: மேற்குவங்க மாநிலத்தைச் சேர்ந்த மிண்டுகான், வ/32, என்பவர் தாம்பரம் 3வது குறுக்கு தெருவில் புதிதாக கட்டுமான பணி நடைபெற்று வரும் வீட்டில் தங்கி வேலை செய்து வருகிறார். மிண்டுகான் தன்னுடன் வேலை செய்யும் நண்பர்களுடன் சேர்ந்து கடந்த 20.6.2021 அன்று இரவு தூங்கி விட்டு மறு நாள் காலை எழுந்து பார்த்த போது,
மிண்டுகானின் செல்போன் மற்றும் அவரது நண்பரின் செல்போன் மற்றும் பணம் ரூ.500/-ஐ யாரோ திருடிச் சென்றது தெரியவந்துள்ளது. இது குறித்து மிண்டுகான் S11 தாம்பரம் காவல் நிலையத்தில் கொடுத்த புகாரின் பேரில் வழக்கு பதிவு செய்யப்பட்டது.
S11 தாம்பரம் காவல் நிலைய குற்றப்பிரிவு ஆய்வாளர் தலைமையிலான காவல் குழுவினர் சம்பவயிடத்திற்கு சென்று விசாரணை செய்தனர். மேலும் சம்பவயிடத்தில் பொருத்தப்பட்டிருந்த கண்காணிப்பு கேமரா பதிவுகளை ஆய்வு செய்து மேற்படி வழக்கில் சம்பந்தப்பட்ட சரவணன் (எ) குப்பா சரவணன், வ/26மேற்கு தாம்பரம் என்பவரை கைது செய்தனர். அவரிடமிருந்து 2 செல்போன்கள் கைப்பற்றப்பட்டது. மேற்படி சரவணன் மீது நீதிமன்ற நடவடிக்கை மேற்கொள்ளப்பட்டது.
