கோவை: பொள்ளாச்சி பல்லடம் ரோடு பகுதியைச் சேர்ந்த ஜெயபிரகாஷ் 32. இவர் நேற்று காலை பொள்ளாச்சி பழைய பஸ் ஸ்டாண்ட் அருகே நின்று கொண்டிருந்தார். அப்போது அவரது செல்போனை இரண்டு வாலிபர்கள் பறித்துக் கொண்டு தப்பிச் செல்ல முயன்றனர்.
ஜெயபிரகாஷ் சத்தம் போடவே செல்போனை பறித்து கொண்டு தப்பி செல்ல முயன்ற இருவரை பொதுமக்கள் துரத்திப் பிடித்தனர். பின்னர் அவர்கள் இருவரையும் பொள்ளாச்சி கிழக்கு போலீஸ் ஸ்டேஷனில் ஒப்படைத்தனர்.
போலீசார் நடத்திய விசாரணையில் பிடிபட்ட நபர்கள் ஷேக் பரீத் 21 மற்றும் அஜித் 21 என்பதும் தெரியவந்தது. தொடர்ந்து அவர்கள் இருவரையும் போலீசார் கைது செய்து சிறையில் அடைத்தனர்.
கோவையிலிருந்து நமது குடியுரிமை நிருபர்
A. கோகுல்
