சிவகங்கை: சிவகங்கை மாவட்டம் தேவகோட்டை அருகே புதுக்குடி பகுதியில் வசிப்பவர் முத்துச்சாமி(63)என்பவர் 19.07.2019 அன்று டூவீலரில் பால் விற்பனை செய்ய தேவகோட்டை சென்றுகொண்டிருந்தபோது சில அடையாளம் தெரியாத மர்ம நபர்கள் தாக்கி 5 பவுன் செயின் மற்றும் 5000 ரூபாய் பணத்தை பறித்து சென்றனர். மேலும் அதே பகுதியை சேர்ந்த மாணிக்கம் என்பவரிடம் வழிப்பறியில் தொடர்ந்து ஈடுபட்டனர்.
இது தொடர்பாக வந்த புகாரின் பேரில் தாலுகா குற்றப்பிரிவு இன்ஸ்பெக்டர் சாது ரமேஷ் அவர்கள் தலைமையில் தனிப்படை அமைத்து வழிப்பறி சம்பவத்தில் ஈடுபட்ட மனோஜ், கார்த்திக், அருண் ஆகியோர் மீது u/s 392 IPC-ன் கீழ் வழக்கு பதிந்து கைது செய்து 27.09.2019 அன்று புதுக்கோட்டை சிறைச்சாலையில் அடைத்தனர். மேலும் அவர்களிடமிருந்து போலீசாரால் பறிமுதல் செய்யப்பட்ட 6 பவுன் நகையை பறிமுதல் செய்தனர்.
