சென்னை: கோயம்பேடு பகுதியில் (24.6.2021) அன்று மாலை ஆட்டோ ஓட்டுநர் ஒருவர் சிறுமியிடம் பாலியல் சீண்டிலில் ஈடுபட்டுள்ளார். அப்பொழுது சிறுமி சத்தம் போட்டுக் கொண்டே ஓடி வரும்போது, அங்கிருந்த பொதுமக்கள் சிறுமியை மீட்டு, ஆட்டோ ஓட்டுநரை பிடித்து அருகிலிருந்த காவல் ஆளிநர்களிடம் ஒப்படைத்தனர்,
W-7 அண்ணாநகர் அனைத்து மகளிர் காவல் நிலைய ஆய்வாளரிடம் கொடுத்த புகாரின் பேரில் POCSO சட்டப்பிரிவில் வழக்குப்பதிவு செய்து, W-7 அண்ணாநகர் அனைத்து மகளிர் காவல் நிலைய ஆய்வாளர் தலைமையிலான காவல் குழுவினர் விசாரணை செய்து, சிறுமிக்கு பாலியல் தொல்லை கொடுத்த பிரபாகரன் (எ) முரளிதரன், வ/45, அம்பத்தூர், என்பவரை காவல் குழுவினர் கைது செய்து, அவர்மீது நீதிமன்ற நடவடிக்கை மேற்கொள்ளப்பட்டது.
