திருவாரூர் : திருவாரூர் மாவட்ட காவல் கண்காணிப்பாளர் *திரு.S.ஜெயக்குமார், M.Sc.(Agri).,* அவர்கள் தலைமையில் (04.12.2023) மாவட்ட காவல் அலுவலகத்தில், சிறப்பு கலந்தாய்வு கூட்டம் நடைபெற்றது. இக்கூட்டத்தில், அனைத்து காவல் துணை கண்காணிப்பாளர்கள் மற்றும் தனிப்படை காவலர்கள் கலந்துகொண்டார்கள். அப்போது மாவட்ட கூடுதல் காவல் கண்காணிப்பாளர் திரு.T.ஈஸ்வரன் அவர்கள் உடனிருந்தார்கள். இக்கூட்டத்தில் மாவட்டத்தில் கண்டுபிடிக்கப்படாமல் நிலுவையில் உள்ள திருட்டு வழக்குகளின் தற்போதைய நிலை குறித்து ஆய்வு மேற்கொண்டார்கள். அப்போது திருட்டு வழக்குகளில் குற்றவாளிகளை பிடிக்க தனிப்படை அமைத்து, அவர்களுக்கு தக்க அறிவுரைகள் வழங்கினார்கள். மேலும், மாவட்டத்தில் திருட்டு நடைபெறாமல் இருக்க, இரவு நேரத்தில் ரோந்து காவலர்களை அதிகரித்து, கண்காணிக்க வேண்டும் என, அனைத்து உட்கோட்ட காவல் கண்காணிப்பாளர்களையும் அறிவுறுத்தினார்கள்.
