திருவாரூர் : திருவாரூர் மாவட்டத்தில் உள்ள காவல் கூடுதல் கண்காணிப்பாளர் மற்றும் அனைத்து காவல் துணை கண்காணிப்பாளர்களுக்கான சிறப்பு ஆய்வு கூட்டம், இன்று (30.11.2023) மாவட்ட காவல் அலுவலகத்தில் திருவாரூர் மாவட்ட காவல் கண்காணிப்பாளர் *திரு.S.ஜெயக்குமார், M.Sc.(Agri).,* அவர்கள் தலைமையில் நடைபெற்றது. இக்கூட்டத்தில் மாவட்டத்தில் உள்ள மிக முக்கிய வழக்குகளின் புலன் விசாரணை குறித்தும், நீதிமன்ற நிலுவையில் உள்ள வழக்குகள் குறித்தும், பிடிக்கட்டளையில் உள்ள வழக்குகளில் உள்ள குற்றவாளிகளை கைது செய்து நீதிமன்றத்தில் ஆஜர் செய்வது குறித்தும், கஞ்சா மற்றும் புகையிலை போன்ற போதைப்பொருட்கள் கடத்தல் மற்றும் விற்பனையில் ஈடுபடுபவர்கள் மீது கடும் நடவடிக்கை மேற்கொள்வது குறித்தும், பொது அமைதிக்கு பங்கம் விளைவிப்பவர்கள் மீதும் ரவுடிகள் மீது மேற்கொள்ளப்பட்டு வரும் நடவடிக்கைகள் குறித்தும், நீதிமன்ற அலுவல்கள் குறித்தும் பல்வேறு நிகழ்வுகள் குறித்தும் ஆய்வு செய்தும் தக்க அறிவுரைகள் வழங்கினார்கள். மேலும், மாவட்டத்தில் அமைக்கப்பட்டுள்ள தனிப்படை காவலர்களை அழைத்து அறிவுரைகள் வழங்கினார்கள்.
