தூத்துக்குடி : தமிழ்நாடு சீருடை பணியாளர் தேர்வாணையம் அறிவித்துள்ள 2022ம் ஆண்டிற்கான காவலர் எழுத்து தேர்வு (27.11.2022) தூத்துக்குடி மாவட்டத்தில் பி.எம்.சி மெட்ரிகுலேசன் பள்ளி, கிரேஸ் பொறியியல் கல்லூரி, காமராஜ் கல்லூரி, புனித பிரான்ஸிஸ் சேவியர் மேல்நிலை பள்ளி, புனித தாமஸ் மேல்நிலை பள்ளி, வ.உ.சி கல்லூரி, காரப்பேட்டை நாடார் மேல்நிலைப் பள்ளி மற்றும் சுப்பையா வித்யாலயா பெண்கள் மேல்நிலைப் பள்ளி ஆகிய 8 தேர்வெழுதும் மையங்களில் நடைபெற்று வருகின்றது. இதனையடுத்து மேற்படி தேர்வு எழுதும் மையங்களுக்கு (27.11.2022) சென்னை ரயில்வே காவல்துறை துணைத் தலைவர் திரு. அபிஷேக் தீக்ஷித் இ.கா.ப அவர்கள் மற்றும் மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் ஆகியோர் நேரில் சென்று ஆய்வு செய்தனர். இந்த ஆய்வின்போது தூத்துக்குடி தலைமையிடத்து காவல்துறை கூடுதல் காவல் கண்காணிப்பாளர் திரு. கார்த்திகேயன் உட்பட காவல்துறையினர் உடனிருந்தனர்.
