கடலூர் : கடலூர் சிதம்பரம் அண்ணாமலை பல்கலைக்கழகத்தில் உலக மகளிர் தினவிழா கொண்டாடப்பட்டது. கடலூர் மாவட்டத்தில் பணிபுரியும் பெண் அரசு ஊழியர்கள், பெண் காவல்துறையினர், சமுதாயத்தில் முன்னோடிகளாக விளங்கும் சாதனை பெண்கள், திருநங்கைகள் ஆகியோர்களை கௌரவப்படுத்தும் விதமாக உலக மகளிர் தினம் கொண்டாடப்பட்டது. கடலூர் மாவட்ட காவல்துறையில் சிறப்பாக பணியாற்றிய மாவட்ட குற்ற ஆவண காப்பகம் பெண் காவல் ஆய்வாளர் திருமதி. சித்ரா, சிதம்பரம் அனைத்து மகளிர் காவல் நிலைய உதவி ஆய்வாளர் திருமதி. பொன்மகரம், கடலூர் போக்குவரத்து பிரிவு தலைமை காவலர் திருமதி. கவிதா, பண்ருட்டி முதல் நிலை காவலர் திருமதி. ராஜேஸ்வரி ஆகியோர்களுக்கு பொன்னாடை அணிவித்து கேடயம் வழங்கி சிறப்பித்தனர். காவல்துறையில் சிறப்பாக பணியாற்றி கௌரவிக்கப்பட்ட பெண் காவல் காவல்துறையினரை மாவட்ட காவல் கண்காணிப்பாளர் திரு. இரா. இராஜாராம் அவர்கள் பாராட்டி வாழ்த்து தெரிவித்தார்.
