திருவண்ணாமலை: திருவண்ணாமலை மாவட்ட காவல் துறையின் சார்பில் சாலை பாதுகாப்பு விழிப்புணர்வு குறும்பட போட்டி 06.09.2021 முதல் 30.09.2021 வரை இணையவழியில் நடத்தப்பட்டது.
இப்போட்டியில் 12 சாலை பாதுகாப்பு விழிப்புணர்வு குறும்படங்கள் கலந்து கொண்டன. இதில் முதல் பரிசாக அந்த ஒரு நொடி என்ற குறும்படத்திற்காக A.பிரவீன்கண்ணன் & S.அசாருதீன், வந்தவாசி என்பவரும்,
இரண்டாம் பரிசாக Road Safety என்ற குறும்படத்திற்காக P.மனோஜ் குமார், யாதவர் தெரு, வந்தவாசி என்பவரும். மூன்றாம் பரிசாக Race என்ற குறும்படத்திற்காக வீரபாலன், தோகைப்பாடி கிராமம், விழுப்புரம் மாவட்டம் என்பவரும்,
ஆறுதல் பரிசாக விதிமுறை என்ற குறும்படத்திற்காக வெற்றிவேல், வடக்கு அய்யங்குள அக்ரஹாரம், திருவண்ணாமலை, ஒரு நொடி என்ற குறும்படத்திற்காக P.மனோஜ்குமார், யாதவர் தெரு, வந்தவாசி என்பவர்களும்
தேர்ந்தெடுக்கப்பட்டார்கள். தேர்ந்தெடுக்கப்பட்ட வர்களுக்கு திருவண்ணாமலை மாவட்ட காவல் கண்காணிப்பாளர் திரு.அ.பவன்குமார்,இ.கா.ப., அவர்கள் பாராட்டி கேடயம் மற்றும் பாராட்டு சான்றிதழ் வழங்கினார்.
மேலும் இப்போட்டியில் கலந்து கொண்ட அனைவருக்கும் கலந்து கொண்டமைகாண பாராட்டுச் சான்றிதழை மாவட்ட காவல் கண்காணிப்பாளர் அவர்கள் வழங்கினார்.
திருவண்ணாமலை மாவட்டத்திலிருந்து நமது நிருபர்
