கள்ளக்குறிச்சி : கள்ளக்குறிச்சி மாவட்டம், வடபொன்பரப்பி, வடபொன்பரப்பி சப்-இன்ஸ்பெக்டர் திரு.மாணிக்கம் தலைமையிலான போலீசார் வாகன தணிக்கையில் ஈடுபட்டனர். மோட்டார் சைக்கிளில் வேகமாக வந்த 3 பேரை போலீசார் வழிமறித்தனர். ஆனால் அவர்கள் போலீசாரை கண்டதும் மோட்டார் சைக்கிளை நிறுத்தாமல் வேகமாக சென்றனர். அவர்களை போலீசார் விரட்டி சென்றனர். இதில் 2 பேரை மட்டும் போலீசார் மடக்கி பிடித்து விசாரணை நடத்தினர். விசாரணையில் பெருமாநத்தம் பகுதியை சேர்ந்த அருண் (20), வரதராஜ் (26), என்பதும், கல்வராயன்மலை பகுதியில் இருந்து சாராயத்தை கடத்தி வந்ததும் தெரியவந்தது. இதையடுத்து அவர்கள் 2 பேரையும் போலீசார் கைது செய்தனர். மேலும் அவர்களிடம் இருந்து 100 லிட்டர் சாராயத்தையும் பறிமுதல் செய்தனர். தப்பி ஓடிய பர்வதம் என்பவரை தேடி வருகின்றனர்.
