தஞ்சாவூர்: தஞ்சாவூர் மாவட்ட காவல் கண்காணிப்பாளர் அவர்கள் உத்தரவின் படி குற்ற செயல்களை தடுக்கும் பொருட்டு அனைத்து உட்கோட்ட காவல் பகுதிகளிலும் சுழற்சி அடிப்படையில் தனிப்படைகள் அமைத்து தீவிர கண்காணிப்பு மேற்கொள்ளப்பட்டு வருகிறது. இதன்படி (03.03.2025)-ம் தேதி தஞ்சாவூர் மாவட்டம் பட்டுக்கோட்டை உட்கோட்ட மதுக்கூர் காவல் நிலையத்திற்குட்பட்ட அண்டமி, கண்ணன் ஆற்று பகுதியை கடந்து செல்லும் போது அடையாளம் தெரியாத நபர் தன்னை பின்தொடர்ந்து வந்து அணிந்திருந்த 5 பவுன் தாலி செயினை பறித்துச் சென்றதாக மண்டலக்கோட்டை, கிழத்தெருவைச் சேர்ந்த வித்யா என்பவர் கொடுத்த புகாரின் அடிப்படையில் மதுக்கூர் காவல் நிலையத்தில் வழக்கு பதிவு செய்யப்பட்டு விசாரணை மேற்கொள்ளப்பட்டது.
மேற்படி வழக்கின் விசாரணையை துணைக்காவல் கண்காணிப்பாளர் அவர்கள் மேற்பார்வையில் மதுக்கூர் காவல் நிலைய காவல் ஆய்வாளர் திரு.தண்டபாணி அவர்கள் தலைமையில் பட்டுக்கோட்டை சிறப்பு தனிப்படை பிரிவு காவல் உதவி ஆய்வாளர் திரு.ராம்குமார் அவர்கள் தலைமையிலான காவல் துறையினர் தீவிர விசாரணை மேற்கொண்டு CCTV கேமராக்களை கண்காணித்து கிடைக்கப்பெற்ற தகவலின் அடிப்படையில் சரித்திர பதிவேடு குற்றவாளியான திருவிடைமருதூரைச் சேர்ந்த இசாத் அகமது(வயது-25) மற்றும் முகமது ஜலாலுதீன்(வயது-24) ஆகியோரை கைது செய்து அவர்களிடமிருந்த 5 சவரன் தாலி செயினை பறிமுதல் செய்து சட்ட நடவடிக்கை உட்படுத்தப்பட்டனர். மேற்படி சரித்திர பதிவேடு குற்றவாளியான திருவிடைமருதூரைச் சேர்ந்த இசாத் அகமது(வயது-25). என்பவருக்கு திருவிடைமருதூர் காவல் நிலையத்தில் முன் வழக்கு நிலுவையில் உள்ளது என்பதும் குறிப்பிடத்தக்கது. இந்த வழக்கில் திறம்பட பணிபுரிந்தமைக்காக பட்டுக்கோட்டை உட்கோட்ட துணைக்காவல் கண்காணிப்பாளர், மதுக்கூர் காவல் ஆய்வாளர் மற்றும் பட்டுக்கோட்டை சிறப்பு தனிப்படை பிரிவினரை மாவட்ட காவல் கண்காணிப்பாளர் அவர்கள் வெகுவாக பாராட்டினார்.
போலீஸ் நியூஸ் பிளஸ் செய்திகளுக்காக
சென்னையிலிருந்து
திரு.முகமது மூசா
