சென்னை: சென்னையில் சட்ட விரோத செயல்களில் ஈடுபடும் நபர்களை கண்காணித்து, கைது செய்ய சென்னை பெருநகர காவல் ஆணையாளர் திரு.சங்கர் ஜிவால், இ.கா.ப, அவர்கள் உத்தரவிட்டுள்ளதின் தொடர்ச்சியாக, M4 செங்குன்றம் காவல் நிலைய ஆய்வாளர் தலைமையிலான காவல் குழுவினர் 22.05.2021 அன்று செங்குன்றம், ஆலமரம் சந்திப்பு அருகே வாகனத் தணிக்கையில் ஈடுபட்டிருந்தபோது, அங்கு சட்டவிரோதமாக காரில் மதுபாட்டில்கள் கடத்தி வந்த இளமாறன், வ/34, செங்குன்றம் என்பவரை கைது செய்து, அவரிடமிருந்து 180 மி.லி. அளவு கொண்ட 160 மதுபாட்டில்கள் மற்றும் குற்றச் செயலுக்கு பயன்படுத்திய 1 கார் கைப்பற்றப்பட்டது. மேலும் அவர்மீது நீதிமன்ற நடவடிக்கை மேற்கொள்ளப்பட்டது
