இன்றைய காலத்தில் உடல் எடையை குறைப்பது பெரிய சவாலாக உள்ளது. உடல் எடையை குறைக்க விரும்புபவர்கள், வழக்கமான உடற்பயிற்சியுடன், உணவிலும் சிறப்பு கவனம் செலுத்த வேண்டும். சரியான உணவுப்பழக்கம் மற்றும் உடலின் முறையான செயல்பாடு மூலம் எடையைக் குறைக்கலாம். குறிப்பாக உணவில், கலோரிகளின் அளவு மிகக் குறைவாக உள்ள உணவுகளை அதிகம் சேர்க்க வேண்டும்.
நாம் நமது தினசரி உணவில் சேர்த்துக்கொள்ளக்கூடிய பல ஆரோக்கியமான பழங்கள் உள்ளன. அவற்றில் சில பழங்களை தொடர்ந்து உட்கொண்டால், அவை நமது உடல் எடையை குறைக்க உதவும். அந்த வகையில், எந்த பழங்களை உட்கொண்டால் உடல் எடையை குறைக்கலாம் என்பதை இந்த பதிவில் காணலாம்.
தர்பூசணி சாப்பிட்டால், கிடைக்கும் பலன் : உடல் எடையை குறைக்க தர்பூசணி ஒரு சிறந்த வழியாகும். தர்பூசணியில் பொட்டாசியம், ஆன்டி-ஆக்ஸிடன்ட்கள், வைட்டமின் சி, லைகோபீன், பீட்டா கரோட்டின் உள்ளது. இவை உடல் எடையை குறைக்க உஹவும்.
எடை இழப்புக்கு பப்பாளி : அதிகரித்து வரும் உடல் எடையை குறைக்க வேண்டுமானால் பப்பாளியை அடிக்கடி உட்கொள்ளலாம். உடல் எடையை குறைக்க பப்பாளி ஒரு சிறந்த வழி. இது நார்ச்சத்து, வைட்டமின் சி மற்றும் ஏ, ஆகியவற்றின் சிறந்த மூலமாகும். இது உங்கள் அதிகரித்து வரும் எடையைக் குறைக்கும்.
ஆப்பிள் ஆரோக்கியமானது : ஆப்பிள்கள் எடையைக் குறைக்க மிகவும் பயனுள்ளதாக கருதப்படுகிறன. இதில் உள்ள கலோரிகளின் அளவு மிகவும் குறைவு. கூடுதலாக, இதில் பல வகையான தாதுக்கள், ஆக்ஸிஜனேற்றிகள், புரதம் மற்றும் நார்ச்சத்து நிறைந்துள்ளது. எடை இழப்புக்கான பழங்களில் ஆப்பிள் சிறந்த தேர்வாக இருக்கும்.
ஆரஞ்சு கொண்டு, எடை குறைக்கலாம் : உடல் எடையை குறைக்க ஆரஞ்சு பழத்தை உணவில் சேர்த்துக் கொள்ளலாம். ஆரஞ்சு வைட்டமின் சி மற்றும் ஆக்ஸிஜனேற்றத்தின் நல்ல மூலமாகும். இது உங்கள் எடையைக் குறைக்க உதவும்.
