தூத்துக்குடி: தூத்துக்குடி மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் உத்தரவின்படி தூத்துக்குடி நகர காவல் துணை கண்காணிப்பாளர் திரு. சத்தியராஜ் மேற்பார்வையில் மத்தியபாகம் காவல் நிலைய ஆய்வாளர் (பொறுப்பு) திரு. ராஜாராம் மற்றும் உதவி ஆய்வாளர் திரு. ரவிக்குமார் தலைமையிலான தனிப்படை போலீசார் நேற்று 21.12.2022 ரோந்து பணியில் ஈடுபட்டபோது, மத்தியபாகம் காவல் நிலைய எல்லைக்குட்பட்ட தூத்துக்குடி கீழூர் ரயில்வே நிலையம் அருகில் சந்தேகத்திற்கிடமான முறையில் இருசக்கர வாகனத்தில் நின்று கொண்டிருந்தவரை பிடித்து விசாரணை செய்ததில், அவர் தூத்துக்குடி ரஹ்மத்துல்லாபுரம் பகுதியை சேர்ந்த மபூஜான் மகன் ஷேக் ரசூல் 27. என்பதும், அவர் இருசக்கர வாகனத்தில் சட்டவிரோத விற்பனைக்காக கஞ்சா வைத்திருந்ததும் தெரியவந்தது.
உடனே மேற்படி தனிப்படை போலீசார் குற்றவாளி ஷேக் ரசூலை கைது செய்து அவரிடமிருந்த ஒரு கிலோ 150 கிராம் கஞ்சா, ரொக்க பணம் ரூபாய் 68,650/- மற்றும் ஒரு இருசக்கர வாகனத்தையும் பறிமுதல் செய்தனர். மேலும் இதுகுறித்து மத்தியபாகம் காவல் நிலைய போலீசார் வழக்குபதிவு செய்து விசாரணை மேற்கொண்டு வருகின்றனர்.
