தூத்துக்குடி: தூத்துக்குடி மாவட்ட காவல் கண்காணிப்பாளர் திரு. எஸ். ஜெயக்குமார் அவர்கள் உத்தரவுப்படி தூத்துக்குடி காவல் துணை கண்காணிப்பாளர் திரு. கணேஷ் அவர்கள் மேற்பார்வையில் தூத்துக்குடி வடபாகம் காவல் நிலைய ஆய்வாளர் திரு. அருள்
தலைமையில் உதவி ஆய்வாளர் திரு. சிவராஜா, முதல் நிலைக் காவலர்கள் திரு. பென்சிங், திரு. மாணிக்கராஜ், திரு. சாமுவேல், திரு. மகாலிங்கம், திரு. செந்தில், திரு. திருமணி, திரு. வள்ளிநாயகம் மற்றும் திரு. முத்துப்பாண்டி ஆகியோர் அடங்கிய தனிப்படையினர் நேற்று (15.09.2021) ரோந்து பணியில் ஈடுபட்ட போது.
தூத்துக்குடி சாமுவேல்புரம் பகுதியில், தேனி மாவட்டம் பெரியகுளம் சில்வர்பட்டி பகுதியை சேர்ந்த ஜெகன் மகன் பாலமுருகன் 29 என்பவர் விற்பனைக்காக சட்டவிரோதமாக கஞ்சாவை வைத்திருந்தது கண்டுபிடிக்கப்பட்டது. உடனே மேற்படி தனிப்படையினர் பாலமுருகனை கைது செய்தனர்.
இதுகுறித்து தூத்துக்குடி வடபாகம் காவல் நிலைய ஆய்வாளர் திரு. அருள் வழக்குப்பதிவு செய்து விசாரணை மேற்கொண்டு பாலமுருகனிடம் இருந்த 3 கிலோ 400 கிராம் கஞ்சாவும் பறிமுதல் செய்யப்பட்டது.
