கோவை : கோவை மாநகர காவல் ஆணையர் திரு.பாலகிருஷ்ணன், அவர்களின் உத்தரவுப்படி கோவை மாநகர ஊர்க்காவல் படையின் காலியாக உள்ள பணியிடங்களை நிரப்ப ஊர் காவல் படை தேர்வு நடத்தப்பட உள்ளது. ஆகவே ஊர்க்காவல் படையில் சேர்ந்து காவல்துறையுடன் இணைந்து பணியாற்ற விருப்பம் உள்ள ஆண்கள் வருகின்ற (30/4/2023)-ம் தேதி என்று மாலை 5 மணிக்கு கோவை காந்திபுரம் சி 1 காட்டூர் காவல் நிலைய வளாகத்தில் உள்ள கோவை மாநகர ஊர் காவல் படை அலுவலகத்தில் விண்ணப்பங்களை பெற்று பூர்த்தி செய்து விண்ணப்பிக்கலாம். இதற்கான கல்வி தகுதி பத்தாம் வகுப்பு தேர்ச்சி பெற்றவர் மற்றும் தேர்ச்சி பெறாதவர். வயதுவரம்பு 20 வயது பூர்த்தி அடைந்தவராகவும் 45 வயது நிரம்பாதவராகவும் இருக்க வேண்டும். விண்ணப்பிக்க கடைசி (நாள் 30/4/2023) விண்ணப்பம் வழங்கும் இடம் கோவை மாநகர ஊர்க்காவல் படை அலுவலகம் கோவை காந்திபுரம் சி1 காட்டூர் காவல் நிலைய வளாகம் மேலும் தொடர்புக்கு 94981 – 71293, 99423 – 46806, 94981 – 72525 என்று கோவை காவல் ஆணையர் அவர்கள் அறிவித்துள்ளார்.
கோவையிலிருந்து நமது குடியுரிமை நிருபர்
A. கோகுல்
