தூத்துக்குடி : (12.08.2022), ஆழ்வார்திருநகரி காவல் நிலைய எல்லைக்குட்பட்ட பகுதியில் இட பிரச்சனை காரணமாக மதுபோதையில், தகராறு செய்து சைக்கிளுக்கு காற்றடிக்க பயன்படும் இரும்பு பம்பால் தாக்கி கொலை மிரட்டல் விடுத்தவர் கைது. ஆழ்வார்திருநகரி காவல் நிலைய எல்லைக்குட்பட்ட திருக்களூர், பகுதியை சேர்ந்த சாமி என்பவரது மகன்களான ஆவுடையப்பன் (65), மற்றும் அவரது தம்பி சங்கரநயினார் (64), என்பவருக்கும் இடையே இட பிரச்சனை காரணமாக அடிக்கடி தகராறு ஏற்பட்டு வந்துள்ளது.
இந்நிலையில் கடந்த (10.08.202), அன்று மேற்படி ஆவுடையப்பன் தனது வீட்டின் முன்பு அவரது மனைவியுடன் நின்று கொண்டிருந்தபோது, அங்கு மதுபோதையில், வந்த சங்கரநயினார் அவரிடம் தகராறு செய்து அவதூறாக பேசி அவரது மனைவியை சைக்கிளுக்கு காற்றடிக்க பயன்படுத்தப்படும் இரும்பு பம்பால் தாக்கி கொலை மிரட்டல் விடுத்துள்ளார்.
இதுகுறித்து ஆவுடையப்பன் நேற்று (11.08.2022), அளித்த புகாரின் பேரில் ஆழ்வார்திருநகரி காவல் நிலைய உதவி ஆய்வாளர் திரு.செல்வன், வழக்குபதிவு செய்து மேற்படி குற்றவாளி சங்கரநயினாரை கைது செய்தார்.
