தூத்துக்குடி : குலசேகரன்பட்டினத்தில் இவ்வாண்டு நடைபெறும் அருள்மிகு முத்தாரம்மன் கோவில் தசரா திருவிழா 26.09.2022 முதல் 05.10.2022 வரை நடைபெற்று வருகிறது. இத்திருவிழாவை முன்னிட்டு (05.10.2022), (06.10.2022) பக்தர்கள் மற்றும் பொதுமக்கள் அதிக அளவில் தரிசனத்திற்கு வருவதையடுத்து மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் தலைமையில் 6 காவல்துறை கூடுதல் கண்காணிப்பாளர்கள், 22 காவல் துணை கண்காணிப்பாளர்கள், 83 காவல் ஆய்வாளர்கள் மற்றும் உதவி ஆய்வாளர்கள் உட்பட 2100 போலீசார் பாதுகாப்பு பணியை மேற்கொண்டு வருகின்றனர்.
மேற்படி திருவிழாவை முன்னிட்டு மாவட்ட காவல் கண்காணிப்பாளர் அவர்கள் (05.10.2022) குலசேகரன்பட்டினம் அருள்மிகு முத்தாரம்மன் கோவில் வளாகம் மற்றும் அதன் சுற்றுவட்டார பகுதிகளில் போலீசாரின் பாதுகாப்பு பணிகளையும், குற்ற நிகழ்வுகள் நடைபெறாமல் தடுக்கும் நடவடிக்கையாக போலீசார் ‘ட்ரோன் கேமரா” மற்றும் சிசிடிவி கேமரா மூலம் பொதுமக்கள் மற்றும் பக்தர்கள் கண்காணிப்பட்டு வருவதையும் ஆய்வு செய்தார். இந்த ஆய்வின் போது மாவட்ட குற்ற ஆவண காப்பகம் காவல் துணை கண்காணிப்பாளர் திரு. பிரோமானந்தன், உட்பட காவல்துறையினர் உடனிருந்தனர்.
