தூத்துக்குடி : தூத்துக்குடி மாவட்டம், கடந்த (17.09.2022), அன்று அதிகாலை கயத்தார் காவல் நிலைய உதவி ஆய்வாளர் திரு. பால் மற்றும் போலீசார் கயத்தார் காவல் நிலைய எல்லைக்குட்பட்ட பணிக்கர்குளம் ரோடு பகுதியில் ரோந்து பணியில் ஈடுபட்டபோது, அங்கு சந்தேகத்திற்கிடமான முறையில் கையில் கட்டிங் பிளையர் போன்ற ஆயுதங்களுடன் நின்று கொண்டிருந்தவரை பிடித்து விசாரணை செய்ததில், அவர் தெற்கு இலந்தைகுளம் பகுதியை சேர்ந்த பூல்பாண்டி மகன் சதீஷ் (19), என்பதும் அவர் வடக்கு இலந்தைகுளம் பகுதியில் உள்ள ஒரு கோவிலில் உண்டியலை உடைத்து ரூபாய் 2,050/- பணத்தை திருடியதும் தெரியவந்தது.
உடனே மேற்படி உதவி ஆய்வாளர் திரு. பால் மற்றும் போலீசார் சதீஷை கைது செய்து அவரிடமிருந்த திருடப்பட்ட உண்டியல் பணம் ரூபாய் 2,050/-யும் பறிமுதல் செய்தனர். மேலும் இதுகுறித்து கயத்தார் காவல் நிலைய போலீசார் வழக்குபதிவு செய்து விசாரணை மேற்கொண்டு வருகின்றனர். ரோந்து பணியின்போது துரிதமாக செயல்பட்டு உண்டியல் திருட்டு குற்றவாளியை கைது செய்த கயத்தார் காவல் நிலைய உதவி ஆய்வாளர் திரு. பால் என்பவருக்கு மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் (19.09.2022) மாவட்ட காவல்துறை அலுவலகத்தில் வைத்து அவரை பாராட்டி வெகுமதி வழங்கினார்.
