தென்காசி : தென்காசி மாவட்டம், சொக்கம்பட்டி காவல் நிலைய எல்லைக்குட்பட்ட திருவேட்டநல்லூரில் கடந்த (10.09.2021), ஆம் ஆண்டு தனது தோட்டத்தில் உறங்கிக் கொண்டிருந்த திருமலைசாமி (65),என்ற நபரை மர்மமான முறையில் கொலை செய்துவிட்டு தலைமறைவாக இருந்த குற்றவாளியை கைது செய்ய கடையநல்லூர் குற்றப்பிரிவு காவல் ஆய்வாளர் திருமதி.மகேஸ்வரி, அவர்களின் தலைமையில் தனிப்படை அமைக்கப்பட்டு காவல்துறையினர் பல்வேறு கோணங்களில் விசாரணை மேற்கொண்டு வந்த நிலையில் சம்பவம் நடந்த அன்று அதிகாலையில் தோட்டத்தில் நடமாடிக் கொண்டிருந்த அதே பகுதியை சேர்ந்த போத்தியப்பன் (49), என்பவரை காவல் துறையினர் விசாரணை மேற்கொண்டதில் கொலை செய்ததை ஒப்புக்கொண்டார்.
பின்னர் (04.08.2022), அன்று போத்தியப்பனை கைது செய்து நீதிமன்ற காவலுக்கு உட்படுத்தி சிறையில் அடைத்தனர். இவ்வழக்கில் சிறப்பாக செயல்பட்ட காவல் ஆய்வாளர் திருமதி.மகேஸ்வரி,சார்பு ஆய்வாளர் திரு. குட்டிராஜா, முதல்நிலை காவலர்கள் திரு.விஜய பாண்டி, திரு. சிவராமகிருஷ்ணன், திரு.மதியழகன், திரு.மாரிமுத்து ஆகியோரை (16.08.2022 ), திருநெல்வேலி சரக காவல்துறை துணைத் தலைவர் திரு.பிரவேஷ்குமார் இ.கா.ப., அவர்கள் திருநெல்வேலி சரக காவல் அலுவலகத்தில் வைத்து பாராட்டு சான்றிதழ் வழங்கி வாழ்த்துக்களை தெரிவித்தார்.
