திருநெல்வேலி : திருநெல்வேலி மாவட்டம் ராதாபுரம் மண்டல துணை வட்டாட்சியா் சங்கர் மற்றும் வருவாய்த் துறையினா் தெற்குகள்ளிகுளம் சந்திப்பில் வாகன சோதனையில் ஈடுபட்டனா். அப்போழுது அந்த வழியாக வந்த லாரியை சோதனையிட்டதில் கன்னியாகுமரி மாவட்டம் கல்குளம் பகுதியைச் சோ்ந்த சுனில்(47). என்பவர் அனுமதியின்றி அதிக பாரத்துடன் குண்டுகல் ஏற்றி வந்தது தெரியவந்தது. மண்டல துணை வட்டாட்சியர் புகாரின்பேரில், வள்ளியூர் காவல் ஆய்வாளர், நவீன் வழக்குப்பதிந்து சுனிலை கைது செய்து, லாரியுடன் 20 டன் குண்டுகற்களைப் பறிமுதல் செய்தார்.
இதே போல் திருநெல்வேலி புவியியல் மற்றும் சுரங்கத் துறை உதவி இயக்குனர் பாலமுருகன், பணகுடி மங்கம்மாள் சாலை பகுதியில் வாகனச் சோதனையில் ஈடுபட்டபோது, பணகுடி சிவகாமிபுரத்தைச் சேர்ந்த சிவகுமாா்(26). என்பவர் லாரியில் அனுமதியின்றி செம்மண் ஏற்றி வந்தது தெரியவந்தது. பணகுடி காவல்நிலையத்தில் உதவி இயக்குனர் அளித்த புகாரின் பேரில், காவல் ஆய்வாளர், ராஜாராம் வழக்குப்பதிந்து சிவகுமாரை கைது செய்து, 2 யூனிட் செம்மண்ணுடன் டிப்பர் லாரியைப் பறிமுதல் செய்தார்.
திருநெல்வேலியில் இருந்து நமது குடியுரிமை நிருபர்
சண்முகநாதன்
