சென்னை: அம்பத்தூர் பகுதியைச் சேர்ந்த விஜயலட்சுமி 34, என்பவர், அவரது கணவர் முத்து என்பவருடன் தகராறில் ஈடுபட்டபோது ஏற்பட்ட வாக்குவாதம் முற்றியதில் முத்து, தனது மனைவி விஜயலட்சுமியை தாக்கியுள்ளார்.
தாக்குதலில் காயமடைந்த விஜயலட்சுமிக்கு மறுநாள் உடல் நலக்குறைவு ஏற்பட்டதால் விஜயலட்சுமி ஸ்டேன்லி அரசு மருத்துவமனையில் அனுமதிக்கப்பட்டு சிகிச்சை பெற்றுவந்தார்.
மேற்படி சம்பவம் குறித்து விஜயலட்சுமியின் உறவினர் சித்திரா T-1 அம்பத்தூர் காவல் நிலையத்தில் புகார் கொடுத்ததின் பேரில் போலீசார் வழக்குப்பதிவு செய்து விஜயலட்சுமியின் கணவர் முத்துவின் மீது உரிய சட்டநடவடிக்கை எடுக்கப்பட்டது.
இந்நிலையில் ஸ்டேன்லி அரசு மருத்துவமனையில் அனுமதிக்கப்பட்டு சிகிச்சை பெற்று வந்த விஜயலட்சுமி சிகிச்சை பலனளிக்காமல் 18.08.2021 அன்று இறந்து விட்டதால் மேற்படி வழக்கு கொலை வழக்காக மாற்றம் செய்யப்பட்டு, குற்றவாளி முத்து 38, அம்பத்தூர் என்பவர் கைது செய்யப்பட்டார். மேற்படி குற்றவாளி மீது நீதிமன்ற நடவடிக்கை மேற்கொள்ளப்பட்டது.
