மதுரை: குடிப்பதற்கு பணம் தர மறுத்த வாலிபரை கத்தியால் குத்திய மற்றொரு வாலிபரை போலீசார் கைது செய்தனர்.எல்லீஸ் நகர் வீட்டு வசதி வாரிய குடியிருப்பைச் சேர்ந்தவர் சந்திரசேகரன் மகன் ராமச்சந்திரன் 30. மதுரை எஸ் எஸ் காலனி தாமஸ் காலனியை சேர்ந்தவர் அப்துல் மஜித் கான் மகன் கலீல் அஹமது 30. இவர் கென்னெட் மெயின் ரோட்டில் சென்ற ராமச்சந்திரனிடம் குடிப்பதற்கு பணம் கேட்டுள்ளார்.
அதற்கு அவர் மறுத்துவிட்டார். இதனால் ஆத்திரமடைந்த கலீல் அஹமது கத்தியால் ராமச்சந்திரனை தாக்கி விட்டு ஓடிவிட்டார். இந்த சம்பவம் குறித்து ராமச்சந்திரன் கொடுத்த புகாரில் எஸ் எஸ் காலனி போலீசார் வழக்குப்பதிவு செய்து அவரை கத்தியால் தாக்கிய கலீல் அகமதுவை கைது செய்தனர்.
மதுரையிலிருந்து நமது நிருபர்
திரு.ரவி
