தூத்துக்குடி : தூத்துக்குடி மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன், அவர்கள் உத்தரவின்படி திருச்செந்தூர் காவல் துணை கண்காணிப்பாளர் திரு. ஆவுடையப்பன், மேற்பார்வையில் திருச்செந்தூர் காவல் நிலைய ஆய்வாளர் திரு. முரளிதரன், தலைமையில் உதவி ஆய்வாளர் திரு. ரவிக்குமார், மற்றும் தனிப்படை போலீசார் (28.09.2022) ரோந்து பணியில் ஈடுபட்டபோது, திருச்செந்தூர் காவல் நிலைய எல்லைக்குட்பட்ட வெள்ளாளன்விளை பேருந்து நிறுத்தம் பகுதி அருகே சந்தேகத்திற்கிடமான முறையில் நின்று கொண்டிருந்தவரை பிடித்து விசாரணை செய்தனர்.
அவர் வெள்ளாளன்விளை பகுதியை சேர்ந்த ஆபிரகாம் மகன் ஆல்பர்ட் (42), என்பதும், அவர் தடை செய்யப்பட்ட புகையிலை பொருட்களை சட்டவிரோத விற்பனைக்காக வைத்திருந்ததும் தெரியவந்தது. உடனே மேற்படி தனிபடை காவல்துறையினர், குற்றவாளி ஆல்பர்ட்டை கைது செய்து அவரிடமிருந்த ரூபாய் 24,000/- மதிப்புள்ள 35 கிலோ தடை செய்யப்பட்ட புகையிலை பொருட்களையும் பறிமுதல் செய்தனர். மேலும் இதுகுறித்து திருச்செந்தூர் காவல் நிலைய போலீசார் வழக்குபதிவு செய்து விசாரணை மேற்கொண்டு வருகின்றனர்.
