திருவாரூர்: திருவாரூர், மாவட்ட காவல் கண்காணிப்பாளர் திரு.S.ஜெயக்குமார், M.Sc,(Agri)., அவர்கள் (17.07.2024) நன்னிலம் உட்கோட்டம், குடவாசல் காவல் நிலைய எல்லைக்குட்பட்ட அத்திக்கடை சோதனைச்சாவடிக்கு நேரில் சென்று திடீர் ஆய்வு செய்து பணியில் இருந்த அதிகாரி மற்றும் காவலர்களுக்கு சோதனைச்சாவடி பணியின் முக்கியத்துவம் குறித்து எடுத்துரைத்து, தக்க அறிவுரைகள் வழங்கினார்கள். மேலும், குடவாசல் காவல் நிலையத்திற்கு நேரில் சென்று திடீர் ஆய்வு செய்து, காவல் நிலையத்தில் பராமரிக்கப்படும் பதிவேடுகளை பார்வையிட்டு பணியிலிருந்த அதிகாரி மற்றும் காவலர்களுக்கு அறிவுரை வழங்கினார்கள். பொதுமக்கள் அளிக்கும் புகார் மனுக்கள் மீது காலதாமதமின்றி விரைந்து உரிய நடவடிக்கை மேற்கொள்ள வேண்டும் என அறிவுறுத்தினார்கள்.
