விருதுநகர்: ஸ்ரீவில்லிபுத்தூர் திருமுக்குளம் பகுதியில் வசித்து வரும் சகுந்தலா என்னும் மூதாட்டி 10.06.2021 அன்று காலை ஆண்டாள் கோவில் தீர்த்தவாரி மண்டபம் அருகில் நடந்து சென்று கொண்டிருந்த போது அவரிடம் இருந்து ஒருவர் சங்கிலியை வழிப்பறி செய்துவிட்டு தப்பி ஓடியுள்ளார்.
இது சம்பந்தமாக சகுந்தலா அவர்கள் கொடுத்த புகாரை தொடர்ந்து காவல்துறையினர் வழக்குப் பதிவு செய்து, துணை காவல் கண்காணிப்பாளர் திரு.நமச்சிவாயம் அவர்கள் தலைமையில் தனிப்படை அமைத்து தீவிர விசாரணை மேற்கொண்டு, சங்கிலி பறிப்பில் ஈடுபட்ட நபரை 5 மணி நேரத்தில் கைது செய்து அருப்புக்கோட்டை கிளை சிறையில் அடைத்தனர்.
இந்த செயலை பாராட்டி மாவட்ட காவல் கண்காணிப்பாளர் திரு.மு.மனோகர் IPS., அவர்கள் துணை காவல் கண்காணிப்பாளர் திரு.நமசிவாயம் தலைமையிலான தனிப்படையினரை பாராட்டி வெகுமதி அளித்தார்.
