தூத்துக்குடி : திருச்செந்தூர் அருள்மிகு சுப்பிரமணிய சுவாமி திருக்கோவிலில் கந்த சஷ்டி திருவிழா கடந்த 25.10.2022 அன்று தொடங்கியது. இதில் இன்று (30.10.2022) கந்த சஷ்டி சூரசம்ஹார விழா வெகு விமர்சையாக நடைபெற்றது. இவ்விழாவில் முருகப்பெருமான் தனது வேலால் சூரபத்மனை வதம் செய்து மக்களுக்கு அருள்பாலித்தார்.
மேற்படி இந்த சூரசம்ஹார விழாவை முன்னிட்டு திருநெல்வேலி சரக காவல்துறை துணை தலைவர் திரு. பிரவேஷ் குமார் இ.கா.ப அவர்கள் தலைமையில் தூத்துக்குடி மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள், திருநெல்வேலி மாவட்ட காவல் கண்காணிப்பாளர் திரு. சரவணன் இ.கா.ப அவர்கள், கன்னியாகுமரி மாவட்ட காவல் கண்காணிப்பாளர் திரு. ஹரிகிரன் பிரசாத் இ.கா.ப அவர்கள், சென்னை பொருளாதார குற்றப்பிரிவு காவல் கண்காணிப்பாளர் திரு. சாய் பிரனீத் இ.கா.ப அவர்கள், மணிமுத்தாறு 9வது பட்டாலியன் தளவாய் திரு. ஏசு சந்திர போஸ் அவர்கள், மணிமுத்தாறு 12வது பட்டாலியன் தளவாய் திரு. கார்த்திகேயன் அவர்கள், ராஜபாளையம் 11வது பட்டாலியன் தளவாய் திரு. ராஜசேகரன் அவர்கள், காவல்துறை கூடுதல் கண்காணிப்பாளர்கள், காவல் உதவி கண்காணிப்பாளர்கள் மற்றும் காவல் துணை கண்காணிப்பாளர்கள், காவல் ஆய்வாளர்கள் மற்றும் உதவி ஆய்வாளர்கள் உட்பட 3000 போலீசார் பாதுகாப்பு பணியில் ஈடுபட்டனர். எவ்வித அசம்பாவிதமும் இன்றி சூரசம்ஹார விழா சிறப்பாக நடைபெற்றது.
