காவல் உதவி ஆய்வாளர் பணியிடங்களுக்கு தேர்வு

சீருடை பணியாளர் தேர்வுக்கு ஆன்-லைன் மூலம் விண்ணப்பிக்க உதவி மையம் மாவட்ட காவல் அலுவலகம் தரைதளத்தில் இன்று (08.03.2022) துவங்கப்பட்டுள்ளது.

தமிழ்நாடு சீருடை பணியாளர் தேர்வு குழுமத்தால் 444 பணியிடங்களுக்கான சார்பு ஆய்வாளர் பணிக்கு விண்ணப்பங்கள் வரவேற்கப்படுகிறது.

சார்பு ஆய்வாளர் தேர்வுக்கு விண்ணப்பிக்கும் பணி இன்று முதல் தொடங்கப்பட்டுள்ளது இத்தேர்வுக்கு அடுத்த மாதம் ஏப்ரல் 7 ம் தேதி வரை விண்ணப்பிக்கலாம்

இதற்காக திறக்கப்பட்டுள்ள உதவி மையம் ஒரு தொழில்நுட்ப உதவி ஆய்வாளர் மற்றும் ஒரு காவலர்கள் கொண்டு செயல்படுகிறது.

இந்த உதவி மையத்தில் ஆன்லைன் மூலம் விண்ணப்பிப்பது தொடர்பான சந்தேகங்களை நாள்தோறும் காலை 9 மணி முதல் மாலை 6 மணி வரை 04146- 220129 என்ற தொலைபேசியில் தொடர்பு கொண்டும் இணையதளத்தில் படிவத்தை பூர்த்தி செய்வது குறித்து விண்ணப்பதாரர்கள் தங்களுக்கு ஏற்படும் சந்தேகங்கள் தொடர்பான இதன் மூலம் அறிந்து பயன்பெறலாம்.