சென்னை : கோயம்பேடு பகுதியில் நடைபெற்ற சிறப்பு சோதனையின் போது, 27 கிராம் கொக்கைன் போதைப்பொருளுடன் நைஜீரியாவைச் சேர்ந்த குற்றவாளியை கைது செய்து, போதைப்பொருளை பறிமுதல் செய்த போதைப்பொருள் தடுப்பு நுண்ணறிவுப் பிரிவு காவல் அதிகாரிகளை சென்னை பெருநகர காவல் ஆணையாளர் பாராட்டி வெகுமதி வழங்கினார்.
இந்த நடவடிக்கை மூலம் போதைப்பொருள் கடத்தலை தடுக்கும் காவல் துறையின் தீவிர முயற்சிகள் மேலும் வலுப்பெற்றுள்ளதாக அவர் தெரிவித்தார். எதிர்காலத்திலும் போதைப்பொருள் ஒழிப்பில் இதேபோன்ற உற்சாகத்துடனும் விழிப்புடனும் செயல்பட வேண்டும் என காவல் அதிகாரிகளுக்கு அறிவுறுத்தினார். இந்த நிகழ்வில் மூத்த காவல் அதிகாரிகள் கலந்து கொண்டு, சிறப்பாக பணியாற்றிய காவல் வீரர்களை நேரில் பாராட்டினர்.
சென்னையிலிருந்து நமது குடியுரிமை நிருபர்
திரு.முகமது மூசா
