திருநெல்வேலி : திருநெல்வேலி மாவட்ட காவல் கண்காணிப்பாளர் திரு.ப.சரவணன், இ.கா.ப, அவர்கள் திருநெல்வேலி மாவட்ட காவல் நிலையங்களில் வருடாந்திர ஆய்வு மேற்கொண்டு வருகிறார். இந்நிலையில் 01.10.2022-ம் தேதி அன்று திருக்குறுங்குடி காவல் நிலையத்தை ஆய்வு செய்த போது மேற்படி காவல்நிலைய பதிவேடுகளை முறையாக பராமரித்தும் காவல்நிலையம் மற்றும் அதன் சுற்றுப்புறங்களை தூய்மையாக பராமரித்து வந்த திருக்குறுங்குடி காவல்நிலைய எழுத்தர், தலைமைகாவலர் திரு.முத்துக்குமார் அவர்களை, மாவட்ட காவல் கண்காணிப்பாளர் அவர்கள் பாராட்டியுள்ளார். இன்று அவரது பணியை பாராட்டி மாவட்ட காவல் கண்காணிப்பாளர் அவர்கள் தலைமை காவலரை நேரில் அழைத்து பரிசு மற்றும் வெகுமதி வழங்கி ஊக்குவித்தார்.
