திருவாரூர்: தற்பொழுது வடகிழக்கு பருவமழை காலம் என்பதனால், திருவாரூர் மாவட்டத்தில் கடந்த சில நாட்களாக தொடர்ந்து மழை பெய்து வருகிறது. அதிக மழை மற்றும் வெள்ளத்தால் பாதிக்கப்படுபவர்களை மீட்கும் வகையில், மாநில பேரிடர் மீட்பு (SDRF) குழுவினரால் பயிற்சி பெற்ற காவலர்களை கொண்டு திருவாரூர் மாவட்டத்தில் 08 மீட்பு குழுக்கள் அமைக்கப்பட்டுள்ளது. திருவாரூர் மாவட்ட ஆயுதப்படை மைதானத்தில் வரிசைப்படுத்திய பேரிடர் மீட்பு குழுவினருக்கு வழங்கப்பட்டுள்ள உபகரணங்களை திருவாரூர் மாவட்ட காவல் கண்காணிப்பாளர் திரு.S.ஜெயக்குமார், M.Sc., (Agri) அவர்கள் (25.11.2024) நேரில் ஆய்வு செய்து மீட்பு குழுவினருக்கு தக்க அறிவுரைகள் வழங்கினார்கள்.மேலும், மழை வெள்ளத்தால் பாதிக்கப்பட்டு உதவி தேவைப்படுவோர் மாவட்ட காவல் கண்காணிப்பாளர் அலுவலக 9498100865 என்ற எண்ணிற்கு தொடர்பு கொள்ளுமாறு மாவட்ட காவல் கண்காணிப்பாளர் அவர்கள் கேட்டு கொண்டுள்ளார்கள்.
