தூத்துக்குடி: தூத்துக்குடி மாவட்டத்தில் காவல்துறை சார்பாக ஆயுதப்படை மற்றும் அனைத்து உட்கோட்ட காவல்துறையினருக்கு இடையேயான வாலிபால் போட்டி நடைபெற்றது.
அதன்படி நடைபெற்ற போட்டியில் இறுதிப் போட்டிக்கு தகுதியான தூத்துக்குடி நகரம் மற்றும் திருச்செந்தூர் உட்கோட்ட காவல்துறை அணியினருக்கிடையேயான போட்டியை இன்று மாவட்ட காவல் அலுவலக மைதானத்தில் வைத்து மாவட்ட காவல் கண்காணிப்பாளர் திரு. ஆல்பர்ட் ஜான் இ.கா.ப அவர்கள் துவக்கி வைத்து வெற்றி பெற வாழ்த்தினார்.
பின்னர் மேற்படி போட்டியில் முதலிடத்தை பிடித்து வெற்றி பெற்ற தூத்துக்குடி நகர உட்கோட்ட அணியினர் மற்றும் இரண்டாம் இடத்தை பிடித்து வெற்றி பெற்ற திருச்செந்தூர் உட்கோட்ட அணியினருக்கு மாவட்ட காவல் கண்காணிப்பாளர் அவர்கள் பரிசுகோப்பை வழங்கி பாராட்டினார்.
இந்நிகழ்வின் போது தூத்துக்குடி தலைமையிடத்து காவல்துறை கூடுதல் கண்காணிப்பாளர் திரு. ஆறுமுகம், தூத்துக்குடி நகர உட்கோட்ட காவல் உதவி கண்காணிப்பாளர் டாக்டர் திரு. திரு. , தூத்துக்குடி பயிற்சி உதவி காவல் கண்காணிப்பாளர் செல்வி. மீனா இ.கா.ப உட்பட காவல்துறையினர் உடனிருந்தனர்.
