திருவண்ணாமலை : திருவண்ணாமலை மாவட்ட காவல் கண்காணிப்பாளர் மரு.கி.கார்த்திகேயன்,இ.கா.ப., அவர்களுக்கு கிடைத்த ரகசிய தகவலின் படி திருவண்ணாமலை மாவட்டம், வேட்டவலம் பகுதியில் செங்கம் மதுவிலக்கு அமலாக்க பிரிவு காவல் ஆய்வாளர் திருமதி.M. மலர், அவர்கள் தலைமையில், திருவண்ணாமலை நகர மதுவிலக்கு அமலாக்க பிரிவு காவல் உதவி ஆய்வாளர் திரு.M.சுரேஷ், அவர்கள் மற்றும் காவலர்கள் இணைந்து நடத்திய தேர்தல் வேட்டையில் நெய்வாநத்தம் மற்றும் கல்லாங்குத்து பகுதியில் சுமார் 750 லிட்டர் கள்ளச்சாராயம் ஊரல் கண்டுபிடிக்கப்பட்டு கீழே கொட்டி அழிக்கப்பட்டது. மேலும் திருவண்ணாமலை நகரம் மணலூர்பேட்டை ரோடு மாரியம்மன் கோயில் தெருவில் கமருதீன் (48), என்பவர் கள்ளத்தனமாக குட்கா மற்றும்பான் மசாலா பொருட்களை விற்பனை செய்ததற்காக கைது செய்து, மேலும் அவரிடம் இருந்து ஹான்ஸ் பாக்கெட்-75, கூல் லிப்-2+1 பாக்கெட், V1 Tobacco -1 பாக்கெட் மற்றும் விமல்-1 பாக்கெட் பறிமுதல் செய்யப்பட்டது.
