காஞ்சி:தமிழக அரசின் வழிகாட்டுதலின்படி காஞ்சிபுரம் மாவட்ட காவல் கண்காணிப்பாளர் திரு.K.சண்முகம் அவர்களின் உத்தரவின் பேரில் துணை காவல் கண்காணிப்பாளர் மதுவிலக்கு பிரிவு (பொறுப்பு ஆயுதப்படை) திரு.சுரேஷ் மற்றும் ஆயுதப்படை ஆய்வாளர் திரு.ஜஸ்டின் ஸ்டான்லி அவர்களின் மேற்பார்வையில்
காவல்துறைக்கும் பொதுமக்களுக்கும் இடையே நல்லுறவை ஏற்படுத்தும் விதமாக விளையாட்டு போட்டிகள் இன்று (03.08.2024) நடத்தப்பட்டது.
அதன்படி கபடி, ஓட்டப்பந்தயம், கயிறு இழுத்தல், மற்றும் கைப்பந்து போன்ற விளையாட்டு போட்டிகள் மாவட்ட ஆயுதப்படை மைதானத்தில் காவல்துறையினர் மற்றும் பொதுமக்களுக்கு இடையை நடத்தப்பட்டது.
இப்போட்டிகளில் வெற்றி பெற்றவர்களுக்கு காஞ்சிபுரம் மாவட்ட காவல் கண்காணிப்பாளர் திரு.K.சண்முகம் அவர்கள் கோப்பை மற்றும் சான்றிதழ் வழங்கி பாராட்டினார்.
இப்போட்டியானது காவல்துறைக்கும் பொதுமக்களுக்கும் இடையே நட்புறவை ஏற்படுத்துவதற்காகவே இது போன்ற விளையாட்டு போட்டிகள் நடத்தப்படுவதாக மாவட்ட காவல் கண்காணிப்பாளர் தெரிவித்தார்.
