திருவண்ணாமலை: திருவண்ணாமலை மாவட்ட காவல் கண்காணிப்பாளர் திரு.அ.பவன் குமார்,இ.கா.ப., அவர்களுக்கு கிடைத்த ரகசிய தகவலின் படி, திருவண்ணாமலை நகர உட்கோட்ட உதவி காவல் கண்காணிப்பாளர் செல்வி D.V.கிரண் ஸ்ருதி,இ.கா.ப., அவர்களின் மேற்பார்வையில், திருவண்ணாமலை நகர காவல் ஆய்வாளர் திரு.B.சந்திரசேகரன், உதவி ஆய்வாளர் திரு.சுந்தரேசன் மற்றும் காவலர்கள் இணைந்து திருவண்ணாமலை செங்கம் ரோடு சிங்கமுக தீர்த்தம் அருகில் நடத்திய தேடுதல் வேட்டையில் ஒரு கிலோ 100 கிராம் கஞ்சாவை மறைத்து வைத்து விற்பனை செய்துகொண்டிருந்த சூர்யா,25, என்பவரை கைது செய்து நீதிமன்ற காவலுக்கு அனுப்பப்பட்டது. மேலும் அவரிடமிருந்து ஒரு கிலோ 100 கிராம் கஞ்சா மற்றும் ஒரு ஆட்டோ பறிமுதல் செய்யப்பட்டது.
மேலும் வேட்டவலம் காவல் நிலைய எல்லைக்குட்பட்ட நெய்வாநத்தம் கிராமத்தில் வேட்டவலம் உதவி ஆய்வாளர் திரு.ராமச்சந்திரன், மாவட்ட தனிப்படை உதவியாளர் திரு.M.சத்யாநந்தன் மற்றும் தனிப் படை காவலர்கள் இணைந்து நடத்திய தேடுதல் வேட்டையில் 470 கிராம் கஞ்சாவை மறைத்து வைத்து விற்பனை செய்துகொண்டிருந்த விக்னேஷ்,27. முகிலன்,20, என்பவர்களை கைது செய்து நீதிமன்ற காவலுக்கு அனுப்பப்பட்டது. மேலும் அவர்களிடமிருந்து 470 கிராம் கஞ்சா மற்றும் ஒரு Honda DIO இருசக்கர வாகனம் பறிமுதல் செய்யப்பட்டது.
