திருவாரூர் : திருவாரூர் மாவட்டம், வடுவூர் காவல் சரகம் வடுவூர் பகுதியில் கடந்த 12.06.21 அன்று நள்ளிரவு ரோந்து பணியிலிருந்த இருசக்கரவாகன ரோந்து காவலர் ஒருவர் காயமுற்று உயிருக்கு போராடிய நிலையில் சாலையில் கிடந்தபோது அக்காவலரை தூக்கி மருத்துவமனைக்கு சிகிச்சைக்கு அனுப்பி வைத்து மனிதநேயத்துடன் செயல்பட்ட லாரி ஓட்டுனர் திரு.பார்த்தசாரதி என்பவரையும், அவ்வழியில்
சாலையில் கிடந்த வாக்கி டாக்கி மற்றும் செல்போனை காவல் நிலையத்தில் ஒப்படைத்து நேர்மையாக செயல்பட்ட திரு.பாலாஜி என்பவரையும், திருச்சி மத்திய மண்டல காவல்துறை தலைவர் திரு.V.பாலகிருஷ்ணன் IPS அவர்கள் இன்று(18.06.21) திருவாரூர் மாவட்ட காவல் அலுவலகத்திற்கு அழைத்து இருவரையும் பாராட்டி அவர்களுக்கு நற்சான்றிதழ் மற்றும் தலா ரூ.1000 வெகுமதி வழங்கினார்கள்.
இந்நிகழ்ச்சியில் தஞ்சை சரக காவல்துறை துணைத்தலைவர் திரு.பிரவேஸ் குமார் IPS மற்றும் மாவட்ட காவல் கண்காணிப்பாளர் திரு.V.R.ஸ்ரீனிவாசன் அவர்கள் ஆகியோர் உடன் இருந்தார்கள்.
