திருவாரூர் : திருவாரூர் மாவட்ட காவல் கண்காணிப்பாளர் திரு.S.ஜெயக்குமார்,M.Sc, (Agri)., அவர்கள் உத்தரவின் படி (06.02.2024) மன்னார்குடி, வடுவூர் காவல் நிலைய எல்லைக்குட்பட்ட, செருமங்கலத்தில் செயல்பட்டு வரும் சதாசிவம் கதிர்காம வள்ளி பாலிடெக்னிக் கல்லூரியில் சாலை பாதுகாப்பு, போக்குவரத்து விதிகள் குறித்து கல்லூரி மாணவர்களிடம் விழிப்புணர்வு ஏற்படுத்தப்பட்டது. சாலை பாதுகாப்பு விழிப்புணர்வு அதிவேகமாக வாகனங்களை இயக்க கூடாது, செல்போன் பேசிக்கொண்டே வாகனங்களை இயக்க கூடாது, சாலையில் இருசக்கர வாகனத்தில் சாகசம் செய்ய கூடாது எனவும், வாகன ஓட்டுனர் உரிமம் இல்லாமல் வாகனங்களை இயக்குதல் கூடாது எனவும், தலைகவசம் அணிந்து வாகனம் ஓட்ட வேண்டும் என்றும், போக்குவரத்து விதிகளை அறிந்து கொண்டு வாகனம் ஓட்ட வேண்டும் எனவும், சாலை விதிகளை தவறாமல் கடைபிடித்தால் விபத்துகள் ஏற்படுவதை முற்றிலும் தவிர்க்கலாம் என்றும், “சாலை விதிகளை மதிப்போம், விபத்துக்களை தவிர்ப்போம்” என்றும் மாணவர்களாகிய நீங்கள் மற்றவர்களுக்கு போக்குவரத்து விதிகளை பற்றி எடுத்து கூற வேண்டும் என கூறி வடுவூர் காவல் நிலைய காவல்துறையினர் விழிப்புணர்வு ஏற்படுத்தினர்.
